尹光開演唱攞「正牌」同靚女嘉賓瑪姬恩愛：要問過你太太先

尹光（光哥）、楊詩敏（蝦頭）、瑪姬今日（3/5）現身觀塘Band房為《尹光演唱會2023·掂呀》綵排。尹光受訪時大讚兩位靚女嘉賓蝦頭及瑪姬腳頭好，令演唱會飛大賣：「其實就嚟開騷，我心情就特別緊張，不過有兩位靚女陪住喺我身邊就冇咗驚，因為我一個人嘅時候就會驚啲。（搵嘉賓一定要搵靚女？）總要靚㗎，唔靚我唔制㗎。」

瑪姬就感謝尹光給予演出機會：「如果你問我有冇壓力?其實就冇嘅。喺我印象中今次好似係第一次做演唱會嘉賓，變咗我仲係新丁，仍要好好跟光哥佢學習，因為有咁難得嘅機會，我一定要做好佢。除咗喺光哥學習唱歌之外，有樣嘢喺佢身上經常會睇到，就係佢同佢太太非常恩愛，無論咩場合兩人經常影形不離。」光哥開玩笑說：「咁我又想同你恩愛又得唔得呢？」瑪姬回應說：「同我恩愛？咁你而家要問過你太太先，哈哈！」尹光望向蝦頭問：「咁我又想同你蝦頭恩愛又得唔得呢？」蝦頭搞笑說：「我好Open㗎!你哋得我得。」逗得大家哄堂大笑。