張景淳北上擺檔賣魚蛋　同場仲有位無綫當紅小生一齊叫賣

張景淳長駐《愛‧回家之開心速遞》，雖然收入同曝光有一定保障，但發展空間有限。近日他頻頻北上，同喺劇中飾演Keyboard一角嘅李興華發展飲食業。二人於深圳不同嘅市集擺檔，無論係佈置檔口、寫餐板抑或整雞蛋仔，張景淳都親力親為。

而喺五一黃金周，張景淳一拍完《愛‧回家》廠景，隨即趕上深圳，不過令人意外嘅係，五一擺檔陣容，竟然會有羅天宇！由微博照片所見，三人均穿上印有「港飲港食」、「羅小二」、「張店長」以及「李老闆」字樣嘅黑色T-Shirt。雖然「港飲港食」嘅老闆係《愛‧回家》李興華，但見張景淳嘅賣力程度，似乎都有亦有份投資。《香港01》曾向張景淳求證，但未知生意是否太好，暫時仍未有任何回覆。