陳茵媺貴為三孩之母仍望再追 希望女兒有伴：想生多個女
撰文：許逸本
出版：更新：
陳豪與陳茵媺（Amy)可謂是娛樂圈的模範夫妻，結婚多年仿恩愛如初，更經常曬出一家五口的幸福照，簡直sweet到漏。今天（27日）Amy擔任護膚品牌的開幕禮嘉賓，被問到家庭熱鬧，會否再考慮追多個Bb ？Amy直言不諱表示：「我哋嚟緊冇一個做人嘅計劃，但係如果再有BB都會生，我哋都會好開心（小朋友想唔想有多個細佬妹？）佢哋話唔想，阿妹話佢要做BB，但係有時佢又想要，因為始終兩個仔玩啲嘢會比較唔一樣啲，我係想生女，如果係肯定可以生個女我都唔介意（你想追女？）兩個仔兩個女咁佢會有一個伴嘛（會唔會減少工作多啲留喺屋企造人？）咁又唔會，因為唔係計劃嚟㗎。」