中年好聲音｜冇公佈快歌評判分被批造馬 監製否認：全程專人監票
無綫歌唱比賽真人騷《中年好聲音》收視突圍而出，揮低多個節目，更即將添食！總決賽順利舉行結果塵埃落定，但有網民就投訴第二部分快歌環節分數透明度低，疑有造馬之嫌。《香港01》訪問了節目監製陳俊聲，他否認造馬，解說整個評分及監票程序，表明絕對公平。
《中年好聲音登峯之戰》昨晚圓滿結束，由於第二部分的快歌環節，表演完並冇即時公佈評判評分，待家庭觀眾投票完成後，才一次過公佈各參賽者的分數總和。有網民就不滿投票網站冧Server、評判分數成謎等等，認為賽果不公，《香港01》訪問節目監製陳俊聲，他說：「絕對唔會唔公平，因為我哋請咗黃龍德會計師樓幫我哋監票，所以每個分數，評判輸入喺我哋iPad之後，直接第一手傳過去，後面有人監控住，完全冇任何唔公平。」
周吉佩奪得冠軍，有網民指結果爆冷，質疑節目組「造王」，令部分參賽者大熱倒灶，陳俊聲則再強調點票過程冇造馬空間，周吉佩是憑實力取勝，他表示：「頭先你見所有分數都好公開，除咗你話快歌嗰Part，但我哋都有好專業嘅會計師樓喺後面監察，所以分數上絕對冇造馬成分。你話周吉佩係咪爆冷，你見初初個走勢，佢都曾經去到邊緣咁滯，所以係有驚喜。但佢今日表現係非常之好，佢絕對係以今日表現取勝晒所有嘢！」
另外，由於節目組早前發出的新聞稿公佈，賽制為「綜合7位評審評分及全球觀眾投票後，總評分最高之三位參賽者將晉級第二回合。第二回合，三強將輪流獨唱自選歌曲，角逐金、銀、銅獎，得分最高者將成為金獎得主。」但去到決賽當晚，第二回合卻變成兩強競逐冠軍寶座，有人認為臨時改賽制，對原本有望爭冠軍的季軍參賽者不公平，陳監製回應：「其實一星期前已決定改賽制，最大原因係度好個Rundown唔夠Show time，如果照原本6-6-3（參賽者各唱六首慢歌、六首快歌，三強再各唱一首歌），就會超時好多，所以我哋最後決定改成6-6-2（最後一關變成兩強比賽自選歌）。」陳監製認為沒有不公平，因為賽前一星期已通知參賽者，又透露改賽制前曾考慮過不同解決辦法，如今這個方案對參賽者影響最小。
《中年好聲音》收視叫好叫座，更力壓多部劇集、綜藝等成收視之冠，無綫電視總經理（節目內容營運）曾志偉已率先宣佈開拍第二季，即時起接受報名，陳俊聲指節目會有新元素：「我先透露地區性會有唔同，我哋諗住衝出香港，詳情就真係商討緊，非香港嘅地方我哋都探討緊合作機會，再邀請啲係海外嘅參加者，或者直接搞海選都有諗過。」
第一季參加者尚未站得穩陣腳，就即時籌備第二季，會否怕捧唔切呢？陳監製則冇擔心過：「對於我哋嚟講，佢哋已經係星嚟，佢哋之後嘅星途我都有信心發展，始終佢哋都係有經歷嘅人，都知條路可以點行。」
中年好聲音決賽賽果詳情?
香港01為你提供完整決賽賽果名單，冠軍遇人生低潮感謝太太不離不棄，雖然冠軍指爆冷造馬，但都指出未來望用能力令大家支持。
中年好聲音6強當晚表現?
大熱71歲吳大強當晚失準，更被指...詳情請看。龍婷被伍仲衡評欠時代感，據知TVB將會與6位決賽歌手簽約，李佳大有機會成為歌手，但都會繼續教學生唱歌。顏志恒唱《拒絕再玩》校長：少似David Bowie。