張崇德愛心爆棚撐慈善　提學音樂重要性：可以幫到你點堅持

歌手張崇德（peter)周二（18日）出席慈善活動，支持好朋友前藝人龐秋雁及龐倩渝創辦的音樂兒童基金會（MCF)舉辦的《跳出劏房的音樂兒童》啟動禮。見證MCF成長的他非常感動，看見小朋友透過音樂尋找屬於自己一片天，觸動了他的心，在受訪時他就表示：「由零開始見到呢個計劃我覺得係一件好好嘅事。我都見證過睇過佢哋一啲片，啲家長都流眼淚講如果俾佢哋可能一生都唔能夠俾仔女有機會去學呢樣嘢（音樂），所以好感謝好多人支持，金錢嘅資助，對我嚟講觸動到好多人嘅一件事。」

提及學音樂對小朋友的影響，Peter 就表示：「好多，三年前我寫過一本書講音樂對小朋友嘅影響，本身聽音樂係可以享受音樂可以紓緩到自己開心，勸愉嘅感覺。但學音樂可以幫到你點堅持，音樂世界係屬於你嘅世界，世界上有好多嘢改變唔到，世界一路一路變化，但音樂係永遠屬於你，想學都幾好都係靠你自己，由你自己去創造所以非常之美好嘅。」而Peter的子女本身有學音樂，目前正學習結他。