張名雅新歌《我愉快嗎》MV面世嚇親囝囝：佢以為我冇着衫
撰文：黃欣華
出版：更新：
2012年港姐冠軍張名雅（Carat）今日（7/2）現身黃埔新城電台為首支單曲《我愉快嗎》宣傳造勢。Carat表示：「個MV我睇咗，我好滿意，拍得好唯美。原先我哋嘅構思係想搵個男主角，但導演話呢一首始終係我第一首嘅單曲，想集中喺我身上，變咗呢個MV只係得我一個人。（老公對MV有冇意見？)佢只係話幾好，都算係支持㗎。（咁冷淡！）始終男人唔係好識點表達自己，佢咁講，我已經覺得好好。不過我個囝睇完我喺MV入而唔同嘅造型之後，問我點解平時唔着裙，仲問我點解喺MV度唔着衫，笑死我，佢以為我冇着衫。於是我就要向佢解釋一番，話俾佢聽係角度問題，同埋話佢知媽咪係有着衫。」