中年好聲音｜爆金句讚肥媽係靚女夠級數　巫啟賢：不過過咗期

《中年好聲音》今晚（09/4）為七強之爭，剩餘龍婷、周吉佩、李佳、支嚳儀、顏志恒、吳大強、羅啟豪及林鉫徫 8位參賽者。今集節目組更請到巫啟賢做嘉賓評審，一開始就爆出笑料。今集由羅啟豪得到MVP，總結上回合，林鉫徫和支嚳儀獲得相同最低的分，最後林鉫徫被淘汰，止步8強。

主持車婉婉問巫啟賢有沒有試過和人合唱，巫啟賢就說：「同我合唱要有咁上下級數。」車婉婉繼續問：「係咩級數？」肥媽：「我同佢喺演唱會合唱過！」巫啟賢又說：「樣要靚到令我心動。」這時候肥媽將頭湊過去，暗指那個靚女就是她。巫啟賢亦說：「肥媽，對唔住，你係靚嘅，不過過咗期。」

8組參賽者各有特色，龍婷與丁文俊的組合挑選了《選擇》，特別是中段情到濃時十指緊扣一幕更是神來之筆。可惜巫啟賢和肥媽就嫌他們唱得太強硬。肥媽：「因為而家你哋就好似甄妮同羅文唱《問誰領風騷》，好似同對方死過咁。」巫啟賢亦說：「而家好似睇中央電視台晚會，柔情蜜意唔見，整體嚟講算好，冇音準問題，冇其他問題，只係角色扮演嘅問題出咗大問題。」

點擊下圖睇精華：