港姐亞軍許子萱活動繼續冇影 冠軍林鈺洧懶理問佢幾時到

應屆港姐冠軍林鈺洧、季軍暨最上鏡小姐梁超怡及友誼小姐邢慧敏今日（3/4）齊齊現身電視城出席明珠台4月節目新編排記者會，而亞軍許子萱依然繼續缺席宣傳活動。

對於林子萱再次活動唔見人，三位港姐接受《香港01》訪問時異口同聲說：「其實前排我哋都有見到佢。今日佢去咗邊，其實我哋唔知道。」被問到為何不關心同事？林鈺洧表示：「我哋嚟到先知佢唔喺度。而我哋平時都係透過IG問候吓，而我又唔會話畀佢知我幾點上車，變咗我都唔會問佢幾時到未，咁大家自己都識照顧自己㗎嘛。」

被問到大家平時會否出來聚會？邢慧敏表示：「其實間唔中都會有，但冇乜事就唔會搵大家嘅。」而梁超怡接著說：「因為我哋三個成日都見，變咗大家做嘢比較忙。」林鈺洧說：「其實我哋三個親密就一定，但佢喺度嘅時候，我哋都一視同仁。（大家係同事關係還是朋友關係？）大家都係朋友加同事關係。」

投7項【民選電影大獎】即賺高達888「01積分」，答簡單問題仲有機會贏走maxcare心動椅(價值$32,800；名額1位)或$30網購現金券(名額50位)！