陳百祥譚詠麟瑞士半裸浸浴飲香檳　太太在場讚爆外國靚女勁識冧女

譚詠麟、陳百祥夫婦近日相約一大班好友，一行人出發到瑞士旅遊，兩人以72歲之齡挑戰滑雪，合照時比贊手勢洋溢自信，又在雪地上踢腳大騷滑雪板，非常活潑。此外，譚詠麟於微博曬出雪屋，雪屋相當闊落，更設有桑拿室，又靚又舒適。

點擊睇譚詠麟陳百祥滑雪：

兩位老友鬼鬼，更在雪地上一齊半裸浸浴飲香檳，譚詠麟為陳百祥倒香檳，一同高歌《小風波》，陳百祥邊歎邊說：「人生苦短，咁就唯有飲勝啦！」

另外，陳百祥又在戶外穿上短袖，大讚外國靚女普通話好，「你的普通話比我還好，真厲害！」哄到該靚女大笑說不可能，相當識冧女。陳百祥又透露已離開瑞士到達意大利，真識歎世界。

點擊睇陳百祥譚詠麟半裸浸浴飲香檳：

點擊睇雪屋內觀：