【鬼怪？】丁文琪P圖P上癮 瘋狂將老公林宥嘉「變臉」成孔劉
撰文：溫菁莉
出版：更新：
去年年底同女友丁文琪結婚的台灣歌手林宥嘉，上月就被網友在日本野生捕獲被指二人遊埠兼影婚紗相，其實林宥嘉自從結婚後，都不時在Facebook低調放閃，但每次都慘遭被老婆丁文琪「劃花」個樣，更幫他「變臉」key上另一個男人樣，究竟林宥嘉俾邊個「陷害」呢？答案竟是韓劇《鬼怪》中的男神孔劉！
事源丁文琪昨晚（30日）在facebook上載一張與林宥嘉在日本的照片，並留言說「終於上岸啦！可以用鼻子呼吸好開心！」，而林宥嘉個樣就「不幸」被老婆畫上三條線，而胸前則被key上孔劉胸口的劍，笑爆唔少粉絲的嘴！
其實今次已經係林宥嘉第二次被key上孔劉個樣，因為上月中林宥嘉於台北小巨蛋舉行演唱會的時候，難得丁文琪在facebook放合照：「我也是有抱到歐爸啦！」，但結果又係見唔到林宥嘉個樣，但有不少粉絲都話其實「P得好似」，連丁文琪都忍唔住留言話「 我有精心挑圖來P」！！搞笑之餘，睇黎男神孔劉嘅魅力真係沒法擋！