MC張天賦為新碟激罕露臂　出道3年繼續朝音樂創作人進發

MC張天賦第二張個人實體專輯《This is MC》今日（15日）面世，除大熱作《小心地滑》、《老派約會之必要》之外，亦特別收錄《世一（不可一世）(feat. Kiri T) 》。

為咗今次專輯，MC了很多新嘗試，無論題材、曲風、形象等，所涉獵的都比第一張專輯更為廣闊，務求不斷為聽眾帶來新的刺激和感受。專輯裏面有多達 7 個造型，MC 更罕有露出手臂，佢逐一介紹：「有打機嘅我、彈結他嘅我、著背心嘅我、著西裝嘅我⋯⋯我覺得咁多個加埋一齊先至係一個完整。」

出道3年，雖然開過紅館、拎過叱咤男歌手銅獎兼擁有兩張專輯，但MC在音樂上依然有不少想法：「希望將來可以有一首完全由自己寫嘅曲或者詞，或者係嘗試寫歌比其他人」睇嚟佢唔單止想唱歌，仲會向住唱作人方向進發！