MC張天賦聲帶感不適　原來因為心理出問題：覺得自己唱唔到歌

MC張天賦昨晚（14日）以表演嘉賓身份現身中環時裝活動，在台上表演完《反對無效》及《世一》後，向傳媒自爆在台上不慎甩嘴忘詞：「突然唔記得咗，要返去再溫下書先，應該冇俾人發現嘅！」

他早前在音樂節中自爆，去年年尾曾經聲帶發炎，近日他又透露自己聲帶不適，令不少粉絲擔心是否又復發，他解釋後來發現原來只是心理原因：「其實之前我做過巡例一次聲帶檢查，檢查後發現聲帶好多紅筋，但當時覺得自己唱歌冇問題嘅，但今次覺得自己唱歌有問題嘅時候，就反而聲帶好健康，所以原來由頭到尾都係心理質素問題。」MC坦言這個心理原因很大部分是因為「覺得自己唱唔到歌」，可能是因為外界的評論或質疑，令自己承受了不少壓力。

適逢3月14日白色情人節，MC有沒有收到很多歌迷們對自己表白示愛？「so far就冇嘅，但有收過朱古力，但我開始要減肥啦，所以唔食得啦。」他的全新個人大碟《THIS IS MC》將於今日（15日）正式上架，他笑稱希望大家能夠多多支持。