喬寶寶高唱《勇敢的中國人》　感激中華民族：做人唔可以忘本

早已與家人移民到蘇格蘭的喬寶寶，雖是印度裔但在香港出生，說得一口流利廣東話，更對中國文化有相當濃厚興趣。近日他專誠返港出席長者活動，更於台上高唱《勇敢的中國人》叫大家：「做人唔可以忘本」。

參加《殘酷一叮》入行的喬寶寶，不時登台演出都會獻唱《勇敢的中國人》，近日他返港出席活動時亦不例外：「其實我嘅成功都係有賴中華民族嘅教導有方，先有今時今日成就，喺疫情期間喺有中華民族嘅世界各地可以登台表演，送畀大家《勇敢的中國人》。」唱完後台下有人笑言：「居然一個印度人講『我哋勇敢中國人』？你真係……」喬寶寶表示：「因為小弟……嗱！最緊要做人唔可以忘本，我嘅成功係有賴中華民族畀我，係咪？我啲鄉里淨係畀咖哩粉我。」