新四十二章｜龔嘉欣拍劇搵命搏 撞爆鼻險毁容：聽到兩下啪啪聲
撰文：吳子生
出版：更新：
龔嘉欣今日（18/2）現身中環出席無綫熱播劇集《新四十二章》宣傳造勢活動。向來拍劇搵命搏的龔嘉欣，在拍煞科打戲時意外撞爆鼻，嚇到她魂飛魄散：「嗰日拍嘅時候，可能動作唔啱，一個轉身我個鼻樑撞落物件度，嗰一刻我聽到兩下啪啪聲，然後啲血係咁流血嚟，跟住啲工作人員即刻幫我止。到我休息完之後，跟住就繼續開工。其實嗰日現場有好多武指及替身準備喺晒度，變咗我反而係擔心如果因為我受傷影響拍攝工作，我會好內疚。幸好嗰日冇咩大礙，收工後去咗醫院照，好彩醫生話冇事唔使整容。」