Anson Lo盧瀚霆與歌迷甜過情人節 呻腰痛纏身：有去睇物理治療
撰文：鄺鈺瑩
出版：更新：
Anson Lo（盧瀚霆）推出服裝品牌ALLOVER，首次做老闆嘅佢今早（14日）現身尖沙咀，與逾千神徒一起見證品牌成立兼共渡情人節。活動上，Anson Lo除解釋品牌名稱的由來，又瘋狂劇透將在月底推出跳唱新歌、拍劇兼拍戲。之後他又走到每個角落與神徒自拍、收禮物，最後更與大家一起合唱《不可愛教主》的副歌部分，令整個活動猶如歌迷聚會一樣。
Anson Lo 雖然在出席活動前通宵拍攝MV，但睇嚟依然十分精神，他訪問時笑指自己「專業」，但亦透露近日腰患比較嚴重，並謂：「不過呢個係由出道已經係咁，有定期去睇物理治療，但醫師都話冇得急，唔係一兩次就好返。同埋最近天氣會風濕，加上又排舞，所以睡眠質素係差。」問到最近有否留意Mo的消息，Anson Lo表示：「好似隔咗好耐終於有個明朗啲嘅消息，前幾日睇到呢個消息都覺得有時奇蹟真係會出現，唔可以否決任何一切可能性，想大家繼續畀多啲鼓勵同愛Mo，同埋佢嘅屋企人。」
點擊下圖看更多相關圖片：