「賈名媛」邱芷微心愛鸚鵡被「劫走」傷心難過：係有預謀

「賈名媛」邱芷微（Chelffy）今日（3/2）現身灣仔會展寵物節出席新產品發佈會。Chelffy透露曾有過一段飼養寵物不快的經歷，雖然事件已過多年，但舊記憶深刻，好像瀝瀝在目：「喺我5歲嘅時候，因為我媽咪就買咗一隻鸚鵡返屋企，媽咪於是將鸚鵡連埋個雀籠放咗喺陽台度養，每日都會有一群嘅麻雀飛嚟同佢傾偈，但唔知係咪我冇陪佢傾計，佢可能同啲麻雀投訴我話我唔理佢。點知後來，有一日我放學返到屋企，見到個雀籠破爛咗，而隻就唔見咗，我嗰刻係喊咗出嚟，勁唔開心。而家諗返，嗰群麻雀係有預謀劫走咗佢。自此傷心過後，我決定唔再寵物。」

對於《財政預算案》即將公佈，政府會否延續過 去兩年做法，第三度派發消費券。Chelffy表示：「其實如果有得派咁梗係好啦，始終我都係納稅人 。（政府財赤千憶，擔唔擔心派錢會為政府造成壓力？）我覺得凡事都正面諗，因為每一次佢派親嘅時候都會刺激到經濟，成條街真係成棚人，係好多人消費，真心係好開心嘅，始終疫情都咁耐好多人都冇出街，其實派錢都係一件好嘅事嚟嘅。」