陳蕾（Panther)今天（2/2）到太古廣場為期間限定店揭開序幕，最搶眼莫過於Panther對又闊又高的鞋，她笑言特別喜歡這對鞋，顯得隻腳長又幼，雖然Panther經已好瘦，但直言唔會嫌腳幼，仲自爆新年食多咗，需要靠服裝去遮掩。

一到新年，Panther所屬公司《華納唱片》會舉辦聚會，每年都會有個主題，而今年主題是「超級市場」，她說：「華納年年都有個主題，今年係超級市場（為MC而設？）我唔知啊，確實有好衰咁諗過，咁我扮MC咪得囉。」最後Panther驚扮得唔似，最後選擇零食裝扮，今年決定扮一包薯片！

早前傳出Panther將會與mirror 成員陳卓賢(lan)及AK（江熚生）一起演出拉闊音樂會，Panther接受《香港01》訪問時，眼見未能隱瞞此事，直接承認開騷一事，她說：「係啊，唔識隱瞞呢個秘密，好開心，自己都有聽佢哋啲歌！」被問到會否感到壓力？Panther勁爽快咁答：「完全當宣傳自己。」