王智騫晒童年照自爆花名「肥田」　恨同柯震東鬥戲：中學已經睇佢

昇陽娛樂「小鮮肉」王智騫（Martin）去年憑ViuTV劇集《I SWIM》人氣急升，成功入屋，不僅成為廣告商新寵，亦成為品牌活動的常客，最近Martin與時尚達人林皓霆，齊齊接受時裝品牌邀請，代表香港跟全球200位名人包括：台灣代表柯震東、韓國代表李敏鎬等，參與Campaign“Be Your Own Boss”在IG貼出童年照，對於能夠成為代表香港的其中一位藝人，Martin表示受寵若驚，寓意踏入兔年有個好開始。

過去一年，Martin可算是豐收之年，不僅劇集角色受歡迎，亦得到不少搵真銀機會，Martin坦言非常感恩，特別是能夠參與今次全球Campaign大感幸運，他說：「可以成為香港其中一位代表，我覺得好開心同好幸運，因為估唔到一個咁大嘅品牌留意到我，所以好感恩有今次嘅機會。」

提到今次活動柯震東亦有參與，有「翻版柯震東」之稱的Martin表示一直渴望跟對方合作，Martin指：「其實一直以來都好希望有機會同對方合作到，因為由中學開始已經睇佢嘅電影，覺得佢喺每一部作品嘅演出都非常犀利，自己成為演員之後好想有機會同佢合作；知道佢之前受咗傷，希望佢早日康復。」

此外，今次Campaign，全球200位名人齊展示童年照，Martin自言童年是肥仔一名，他透露：「以前我花名叫『肥田』，同當時有套電視劇集嘅角色同名，不過呢個角色係女仔嚟。」