黃金萬両｜72歲薛家燕同李成昌有親熱戲　含羞答答：我心卜卜跳

由薛家燕（家燕姐）領銜主演的賀歲喜劇《黃金萬両》今天（25/1）到鑽石山出席宣傳活動，家燕姐高興登場向觀眾拜年！這次家燕姐久違復出再拍劇，提到與李成昌有場kiss戲，家燕姐即含羞答答表示：「我諗唔到古裝都有錫吻嘅鏡頭，仲有我哋咁嘅年紀嚟錫吻真係好搞笑，拍嘅時候我心卜卜跳，我都有啲緊張㗎，反而係李成昌叫我唔好緊張，我唔會搏懵嘅。」

另外，提到家燕姐新春期間孫仔的拜年情況，她即高興表示：「哇，勁啊！佢同我講普通話，佢第一句就恭喜發財、大吉大利、身體健康，然後嗰個手就攞利是，我諗係我新抱教定佢同我拜年，佢上緊普通話堂又上緊英文堂，歲半學好多嘢，佢學嘢好快，所以每日見到佢我真係好滿足。」家燕姐新年仲有另一個心願，就是希望女兒快點找到伴侶：「唔係咁快嫁出嘅，咁遇到一啲男朋友或者岩呢，約我同佢食餐飯啦，但個餐飯仲未有得食！」