林盛斌爆當年拍過《少林足球》 差一步上銀幕:周生覺得我幾過癮
林盛斌BOB與周星馳(星爺)兩個名字,林盛斌BOB是橫跨電視、電影、商界的多功能藝人,周星馳(星爺)則電影界的殿堂級演員、導演、監製、藝術家。對大眾來說,兩個名字可說是不太相干,但原來也可以很有關係。日前(13/01)林盛斌BOB在Facebook上寫下一篇長文,透露自己其實曾經做過周星馳(星爺)的電影《少林足球》中的演員。
他寫道,原來大學Year2的時候,剛巧遇到《少林足球》演員招募,林盛斌BOB在同學們的慫恿下又膽粗粗跑了去應徵。他還記得當時由林子聰(肥仔聰)負責替他登記和第一輪篩選。林盛斌BOB更以「識特異功能」即席表演了絕技。他說:「佢問我會表演啲乜嘢,我話我有特異功能,佢叫我做俾佢睇,然後我就將自己隻食指由直變彎,跟住佢笑咗。」
之後林盛斌BOB面試就見到周星馳、吳君如、李力持等人,他又即場表演「特異功能」,他寫道:「我就將一啲煙灰放咗去吳君如隻右手手背上面,然後我就發功,跟住啲煙灰最後去咗佢隻左手手心嗰度,佢哋係咁笑,話我有啲料到。」直到第三輪面試,林盛斌BOB與其他面試者一同試戲做《食神》橋段,林盛斌BOB要扮演周星馳(星爺)。之後他就入選了,被劇組通知要到中國內地開工。
不過,拍攝中途出了變故,不然現在林盛斌可能已變成了電影界大明星,基於一些電影幕前人員變動,所以他們在這兩星期拍攝過的場口有更動。同時林盛斌BOB因為是在學階段,只是請假去拍戲,所以最後幾經掙紮和不捨後,才決定離開。他寫道:「如果我真係繼續參與,應該需要留好長嘅時間,所以最後我同製片講: 『好對唔住,唔好意思,我諗我真係要走啦,Sorry!』跟住佢話俾啲時間佢同周生傾吓。」
他寫道:「第二日,佢同我講,佢話周生覺得我幾過癮嘅,都想我繼續留低一齊玩,但係如果真係要應付學業,佢都唔想影響到我,叫我自己決定。最後,我同各人包括周先生逐一道別之後,就返返香港,繼續讀書嘞,臨走嘅時候,劇組俾咗一封利市我作為演出酬勞,而成件事,亦都告一段落。」
最後,林盛斌BOB就表示,如果當年留下來繼續拍攝工作,他往後的人生是否會不一樣?他寫道:「過咗咁多年,有時都會心諗:如果當時繼續留低,到底我嘅人生軌跡,會係點呢?如果你係我,嗰一刻,你會點樣選擇?」