戴耀明承認個性執着令事業停滯 李丞責：演精神失常角色有幫助
撰文：吳子生
出版：更新：
香港著名堪輿學家李丞責師傅和戴耀明今日（13/1）現身尖沙咀出席無綫新春賀年節目《新春開運王》宣傳造勢活動。戴耀明借機向李丞責師傅問來年運程，令事發起死回生。李師傅就話：「其實佢本身條命欠金，反而要做一啲關係刀刀劍劍嘅嘢，拍古裝係好過時裝劇，加上如果同警匪片有關嘅角色都會着數啲，因為嗰啲都要揸槍揸兵器。另外仲有一樣嘢，唔好介意嘅係唱歌，但你未必得。不過大聲叫即係嗰啲精神失常，思覺失調嗰啲角色對你有幫助，因為做緊你欠金嗰樣嘢。」
李師傅續說：「同埋你份人好鬼腌尖，就算好少嘢你都會覺得好煩，如果你都未做好你自己，而又太過真情流露，咁樣唔得喎，乜都擺係個樣度，喜怒形於色，所以演技你要再磨練。」戴耀明接著說：「師傅係講得啱，有時有啲位自己係比較執着咗，好小嘅事，我都太過在意，有時夜闌人靜嘅時候，會諗到瞓唔着，有時仲會諗到眼濕濕咁，個意景好似飄雪咁，感覺好孤單咁。」