陳瀅雄心壯志要撈過界做埋監製：自己係有呢方面嘅天份

陳瀅今日（13/1）現身大埔超級城出席新春賀年活動。新年就快到，陳瀅就透露將會返加拿大探親過新年：「較早前我買咗機票諗住聖誕節返去，但後尾因為工作關係返唔到過去，變咗走唔到。事後唯有將嗰張機都延遲到今個農曆新年先至返去。坦白講，利是錢我就冇準備，但我就會送早前準備好嘅聖誕節禮物俾佢哋。」

踏入新的一年，陳瀅希望在事業上有大突破，能夠監製新節目：「我諗我之前擺咗好多時間喺拍劇度，咁所以想拍完《痞子2》之後，俾少少時間自己試吓做監製。因為我覺得自己係有呢方面嘅天份，而且喺自己嘅社交平台度嘅片，都係由我自己一手包辦。（會嗰會搵曾志偉傾傾？）其實都會呀，因為佢都好鼓勵我哋，都會問我哋有咩節目想拍。變咗有咁嘅機會，我都想去嘗試吓去做。」