陳寶珠梅雪詩再演《蝶影紅梨記》　白雪仙：我都想落場

陳寶珠與梅雪詩（亞嗲）將於7月公演唐滌生戲寶《蝶影紅梨記》，今午二人聯同師父白雪仙及眾演員包括尤聲普、任冰兒、廖國森等舉行記者會。

陳寶珠對於仙姐能給予演出機會十分感謝，但另一方面卻因為該劇深入民心故有一定壓力：「我的角色有好多感情戲同對立戲，所以好難，希望不負所望去完成。」同樣表示有壓力的亞嗲就話希望仙姐可以好好指導她，而在旁的仙姐就表示：「見到就會講，睇到要咁做就會話，唔係主角才有戲，人有靈魂，做大做小都要忘我。」訪問時，仙姐坦言想落場演出，但心有餘力不足，並謂：「唔係話教唔教，自己都很多事情要學，因為學無止境。」盡善盡美的仙姐，指《蝶》的劇本改動了7次之多，但成果好或壞則交由觀眾判斷：「希望係好啦。」