吳岱融27年前慘遭伊健迷姦　鷲哥回憶重口味劇：演完灰咗幾個月

講開TVB重口味劇情，近年大家都會記得司棋姐在劇集《真相》，被強逼拍裸照要脅的重口味鏡頭，又或者係黎耀祥同毛舜筠兩個加埋109歲的壁咚之吻。不過原來早在27年前，一部《天若有情》的劇集情節已經超越這些以老為重口味的情節，劇情更加大膽。

由黃秋生、吳岱融和鄭伊健主演的《天若有情》，同劇中還有當時未成名的張家輝和黎耀祥，可謂星光熠熠。三位男主角是同父異母又或者同母異父的兄弟，關係複雜得來而且還是互不知情，結果同性戀的伊健就迷姦了同母異父的吳岱融，成件事除了亂倫而且還十分重口味，雖然鏡頭沒有拍到他們那些情愛的畫面，不過能夠有膽量拍出這種意識的劇集，在當時來說已經十分開放。

其實在2006年伊健上去《志雲飯局》的時候都曾經重提這部戲，當他第一次聽監製講劇本的時候，就已經十分吃驚的表示原來TVB都可以有這種題材的劇集。後來一度覺得自己未能控制這個角色而迷惘，甚至被監製勸他退出。當時原來劉青雲是他這個角色的後備人選，當時青雲對他說：「唔好理人講啲乜，自己想點做就點做。」結果伊健聽完他的話之後便開了竅，監製過幾天也找回他重新開戲。

林雪拍《力王》全身浸腐肉口含血　臭足6個鐘：之後用藍威寶沖涼

至於另一位主角吳岱融（Hugo）亦對這部劇相當深刻，《香港01》記者即訪問了鷲哥，他表示這部劇是他人生中最深刻的一部劇：「呢部係我做得最投入嘅一套，當時演呢個角色嘅心情好灰，做卧底無辦法係老豆死之前同佢講我係好人，爭啲同自己後母上咗床，自己警察上司又好似放棄自己，被伊健雞姦，所以演完都灰咗幾個月。其實監製喺開戲之前已經叫咗我小心啲，唔好太投入，因為呢個角色好危險。」當時這套劇是Hugo難得的時裝劇，因為他之前演古裝較多，可惜劇集被抽起，未能夠在黃金時段播放，首先被賣到海外，回流香港時亦只能在夜晚11點播放。Hugo說如果當時劇集能在黃金時段播放，可能對自己將來的星途都會有改變。 

如未能觀看影片，請按此連結，並留意15:40 - 17:40。