大製作《喬峰傳》改網大上映？ 甄子丹：睇戲唔一定喺戲院

時尚盛事「K11 Night」於昨晚（3日）假尖沙咀隆重舉行，不少城中名人獲邀出席。其中，「宇宙最強」甄子丹帶同太太汪詩詩一同出席，二人手牽手進場恩愛十足。

而今日有報道指其執導兼主演的電影《天龍八部之喬峰傳》變為網大上映，對此在接受訪問時和甄子丹求證，他就表示：「正式公布等電影公司去公布，我覺得觀眾睇戲唔一定喺戲院，有好多方法可以去睇，去唔同嘅平台度睇。（睇好網上市場？）睇戲文化唔同有好多選擇。有時喺屋企睇未必唔係一件好事。」而提到與國際巨星奇洛李維斯合作的電影電影《殺神John Wick 4》將上映，他就不願多提，望大家集中多關心在電影《天龍八部之喬峰傳》身上。

他又透露拍攝電影《天龍八部之喬峰傳》相當不簡單。他表示：「拍攝呢部戲好艱難，拍金庸題材大家都有把尺去量你，困難重重，好多謝幕後團隊希望大家支持。」而提到聖誕節將至，屆時會如何慶祝，汪詩詩則表示會留港慶祝，一家人開心度節日。