曾比特北上工作無助手剪片宣傳一腳踢：我而家剪片叻咗好多

曾比特（Mike)今日（29/11）現身將軍澳電視城出席無綫音樂節目《勁歌金曲》錄影。提及早前北上內地工作期間，在沒有助手協助下，凡事都要親力親為連宣傳影片都要親自操刀。Mike笑言：「我而家剪片叻咗好多，下次有機會教你哋點剪片。不過我都只係用手機嚟剪片啫，因為比較簡單同埋方便嘅。以往我真係好少拍片紀錄，而近來生活上多咗啲時間，自己就開始拍片紀錄自己每日係點過，因為自己開始冇記性，好容易個頭做完之後，好快又唔記得之前做過啲乜嘢，咁所以拍低留下片段，然後同大家分享。(會否出席2022叱咤樂壇頒獎禮？）呢個都要聽公司安排。」