TVB台慶｜江嘉敏晚裝包到勁密實遮肥肉　自嘲係「時裝車禍」世一

江嘉敏今日（19/11）出席《萬千星輝賀台慶》。今年江嘉敏就有別以住，沒有選擇貼身晚裝，反而選擇閃爆的公主裙，包到個人勁密實，少少肉都睇唔到啊：「本身係揀咗幾套嘅，最後選擇係件淺色衫嚟嘅，但礙於今日有啲特別嘅原因，所以着深色衫會比較好啲（揀得會唔會太過保守？）應該要遮住都遮晒，有朋友俾意見嘅，有啲唔見得人嘅都盡量收返埋，唔好嚇親人！」

江嘉敏為了台慶特意推了生日飯局，更吩咐媽媽要煮減肥餐給她，仲笑言妹妹好識做：「我妹妹就好幫手啦，喺屋企同媽咪講話呢，家姐話佢唔食飯啦，你淨係煮菜俾佢得，連肉都冇呀（瘦左幾多？）都有幾公斤㗎，加上上個禮拜個天聽到我好凝重地禱告，肚痾…」

另外，江嘉敏一向被網民封為「時裝車禍」的代表人物，不過對於「時裝車禍」的稱呼，她就睇化晒，仲識取笑自己就係「時裝車禍」世一，絕對唔會嬲大家咁笑佢啊：「我又唔會嘅，因為都着件咁靚嘅晚裝，戴啲咁靚嘅首飾出嚟，都係想大家睇到，都可以見到大家嘅留意注目，我係非常之開心。」盡顯高EQ。