謝寧古裝劇疑遭男演員「鹹豬手」由胸掃落肚　楊紹鴻：排戲唔係咁

85年港姐冠軍謝寧，日前在港台節目《一起走過》訪問中，被主持人楊紹鴻重提當年拍古裝劇疑遭「鹹豬手」事件，楊紹鴻稱要向謝寧公開道歉：「嗰陣有場古裝戲，話謝寧被某個人強姦，之後有咗bb，之後返去同老公講，（劇本）本來係話謝寧捉住對方隻手，擺落自己個肚上面，意思係話自己有咗。點知埋位變咗係男主角捉住謝寧隻手，由個胸掃落去個肚，嗰陣謝寧塊面黑晒，仲有啲想喊。」

楊紹鴻直言當時自己也不懂得處理，只覺得不好意思，他續說：「我睇完都打咗個突，排戲都唔係咁，我唔評論佢係咪故意，亦唔講得佢係邊個，但係嗰陣我唔識得點處理，真係好唔好意思！」

由於事隔逾30年，謝寧表示對事件沒有印象：「原來我都畀人恰過，好彩我真係唔記得，冇乜記性，可能嗰陣佢知我係妹妹仔，又係啱啱入行，如果而家我會即刻叫！」楊紹鴻未有透露「男主角」身份，但在節目初段，稱與謝寧在蒙古合作拍《成吉思汗》，該劇由萬梓良、黃日華、劉青雲、關禮傑主演，楊紹鴻亦曾在微博中分享當年在蒙古草原的相片，郭富城、鄭伊健、李家聲等亦有參與。