東張西望｜林敏驄公開向曾志偉追裸跑數　搵埋兩大巨頭品字型陪跑

昨日（1日）林敏驄和江美儀於深水埗出席無綫熱播劇集《下流上車族》「愛心同行」派飯活動，林敏驄早前與獎門人曾志偉輸賭收視，若誰比較低為輸，而且輸的人要裸跑。而最新收視結果亦已出爐，《下流上車族》比獎門人多出0.3點，力壓曾志偉勝出，所以一眾演員要求曾志偉裸跑。

林敏驄活動完結後接受《東張西望》訪問時立即公開追數：「153話要裸跑阿，我哋7個裸跑，佢3個，我費事佢一個咁寡。就153、珍姐同樂小姐3個一齊裸跑！」林敏驄膽敢直呼總經理為153，原因其實林敏驄與曾志偉十分老友，但老友都「無情講」，林敏驄更直呼完結活動便會立即找曾志偉，迫他履行承諾。

林敏驄更笑言要曾志偉、珍姐及樂小姐三人「品字型裸跑」，在旁邊的鮑起靜（鮑姐）立即上前笑著阻止說：「你同好朋友嘅私人恩怨，唔好拖兩個靚女落水」，林敏驄叫鮑姐一齊參與裸跑。《東張西望》主持問林敏驄有沒有得到在場人士同意時，他立即說：「冇！」江美儀立即叫大家不要多事，令大家笑到人仰馬翻。