恆生指數 | 七師傅大半年前成功預測冧市 Bob林盛斌冇再「坐艇」
撰文：邱愛霖
出版：更新：
近日港股顯著下挫，恒生指數開市跌穿16000點關口，創逾13年半新低，收市跌1030點，跌幅6.3%，報15180點。
早於今年1月揚言今年股市有機會「大冧」的風水師七仙羽接受《香港01》訪問，七師傅坦言兩年前預測到股市會冧，所以一早放晒，「冇買，一早知㗎，2年前已經知股市走向，大部分都賣咗，淨返少少，我同老公啲投資一早走晒，我身邊朋友都係，黃金都走咗轉啦。」
七師傅預測股市之後不會繼續狂跌和狂升，反而會慢慢升，但她建議唔好掂股票、樓市和黃金，最好揸現金擺定期收息，「而家乜都唔好炒，而家未穩定，最好買現金，利息高過收租。」
無綫（TVB）藝人林盛斌（Bob）於2020年4月透露以40元一股購入1200股匯豐股票，當時匯控大跌更自言「坐艇」。Bob今向《香港01》稱不是投資專家，所以唔敢畀貼士，但2年前的1200股匯豐股票已於今年年頭賣出，「賺咗少少嘅時候放咗啦。」
點撃下圖觀看Bob同劉佩玥《美麗戰場》精彩畫面:
+22