衛詩雅着婚紗頻頻出席活動唔怕詛咒嫁唔出：結咗二十幾次婚
撰文：吳子生
出版：更新：
衛詩雅（Michelle）今日（10/10）一身婚紗造型現身尖沙咀出席頒獎典禮。Michelle笑言：「其實我着婚紗嘅次數，數埋數埋都有二十幾次，無論出席活動同拍廣告嘅時候，好多時都會着到。如果我着一次婚紗就代表婚咗一次婚，我諗我已經結咗二十幾次。（你唔怕詛咒着得多婚後會嫁唔出？）哈哈，你唔早講嘅！其實我係有聽過嘅，但我就覺得唔會囉。（莫非你已嫁咗人？）唔係，如果我嫁嘅時候，我一定會話俾大家知嘅，但事實我仲未嫁嘅。而我個人比較正面，我只會諗好方面嘅嘢，唔好嘅嘢我係唔會諗。」