霎時再感動｜鄭裕玲憶肥姐沈殿霞專業舉動　笠垃圾袋擋雨免阻綵排

DO姐鄭裕玲入行四十多年，早已是主持界殿堂級人馬，但在她心目中原來有個相當重要的前輩，正是肥姐沈殿霞。她在新節目《霎時再感動》分享當年在清水灣電視城台慶，與肥姐的一個小故事，令她畢生難忘。

入行後DO姐經常做大SHOW司儀，不時與肥姐拍住上，其中一年台慶綵排，仍在清水灣電視城，她們兩人被安排到教堂與古裝街之間的山坡上，落住傾盆大雨被淋到濕透。DO姐表示：「本身我想叫車嚟接我地返廠，但肥姐覺得唔應該咁做，要車來車去，嗰日車務已經好忙，唔應該覺得額外增多工作，要自己想辦法。」

寧願自己濕透肥姐都不願增加別人工作量，更不想阻礙綵排時間，DO姐感嘆：「肥姐一分鐘都唔想阻到，佢見到現場有疊黑色垃圾袋，肥姐拎起兩個，叫撕開中間我哋套喺身上面，只要見到樣就得，跟住繼續綵排。其實影到我哋兩個好似黑色大蟲，其他同事見到都大笑。感謝肥姐喺咁多年來開聲指導我，我好幸運，見到佢做事態度，獲益良多，這類前輩要多啲，令我們年輕一輩學懂專業精神。」