吳浩康太太郭思琳宣布誕子　重近9磅痛足17個鐘先開刀：出唔到嚟

現年38歲的吳浩康 (Deep)於今年3月初被爆出與曾參選港姐，35歲的郭思琳奉子成婚，並已於上月低調入紙申請註冊結婚，更透露今次雙喜臨門，即將榮升做爸爸。時隔六個月，太太郭思琳今日（20/9）在Instagram上宣布於浸信會醫院誕下8磅11的兒子，透露：「怪唔知催生咗17個鐘你都唔肯出嚟啦，原來係大件到出唔到嚟。」現時仔仔以改「撑撑」作為乳名。

郭思琳直言本次的生育過程痛不欲生：「催生咗17個鐘你都唔肯出嚟」、「最難捱嘅係好想順產，但一直催生到開刀前都等唔到宮頸打開，淨係不斷地feel到劇烈陣痛」，當中更憶述Deep在產房的喜悅：「我仲好記得喺產房Deep爸爸聽到你第一下喊聲，佢開心到好似中獎咁成個彈起！」最後郭思琳更向撑撑表白：「爸爸媽媽第一次為人父母，好多嘢都無經驗，但我地會盡量去學，盡量去做，俾我哋所有嘅愛同耐心陪伴你長大，希望撑撑你有一個開心嘅童年！」

點擊睇郭思琳懷孕寫真：