林奕匡被阿媽催生B想生兩個　太太李靄璣感不悅：唔應該俾壓力我

林奕匡（Phil）和太太李靄璣（Rikko）今日（30/8）夫妻檔現身尖沙咀出席頒獎禮。提到日前二人為慶祝木婚，特意到擺滿木材的景點拍攝一輯恩愛照。Rikko表示：「初頭我哋要求好低，諗住去啲樹林度影，但後尾啲朋友俾咗啲意見我，提供咗一個地方叫做香港木庫，好開心可以去度呢個地方影咗靚相留念。」

被問到二人何時計劃造人？Rikko表示：「其實我哋都好鍾意小朋友，但因為疫情嘅關係，令到我哋嘅計劃係推遲咗。（奶奶有冇催生B？)咁又冇喎。」身邊Phil接著說：「其實係有催我多啲，而佢係唔知嘅。（想生幾多個？）生兩個固然係開心啲，因為兩個有得玩。」Rikko聽到即刻反駁：「我覺得作為生嗰個，真心唔應該俾壓力我，因為我都未生，我又點知道生完之後，我係唔係享受，所以我認為生完一個先再作決定。」