區永權樓上惡鄰再高空擲物　前往交涉遭惡言相向：拆棚係咁㗎啦！

香港地小人多大部分人居住在高樓大廈，鄰居守望相助當然最好，但如遇上無理鄰舍則相當困擾。《東張西望》主持區永權（Albert）樓上住有麻煩鄰居，繼年初高空掉下鐵通後，近日又故態復萌令他非常無奈。

Albert在社交網上載短片，見到一條條索帶從天而降猶如落雨，掉落到他的露台位置，變成垃圾收集站般：「喂喂喂，樓上又來啦！都明白，拆棚時候，有好多嘢都需要兼顧，最重要係安全至上！但正當管理員向你溫馨提示，叫你盡量注意一下，因為其實樓下有住客係遭其殃，露台承接晒你所有索帶嘅時候，你竟然理所當然兼理直氣壯地，仲話：『咁拆棚係咁㗎啦！』嘩！呢個態度，簡直係無得頂！明明好嬲，但又好好笑！結果，你拆棚，我善後！幫你執晒所有手尾囉。」網友紛紛斥鄰居過份，建議向管理處及《東張西望》投訴。