MIRROR演唱會︱肥媽為阿Mo打氣　首次睇意外片感心驚：大家要小心

舞蹈員李啟言（Mo）於MIRROR演唱會遭大熒幕擊中重傷震驚全港，案件交由西九龍總區重案組跟進調查時有否涉及人為因素，不少人均於網上集氣祈禱希望阿Mo可以大步檻過，連藝人肥媽（Maria Cordero）都拍片為受傷舞蹈員加油。

肥媽上周五（29日）於微博拍片表示，她於意外次日朝早起身便收到朋友的訊息轟炸，看畢大熒幕跌落的片段後心慌慌，她說：「真係一睇到嘅時候覺得個心好驚呀！」一直有留意MIRROR演唱會消息的肥媽表示，首日已得悉有舞蹈員綵排受傷，而隨後MIRROR成員Frankie（陳瑞輝）又從跌落台，如今又發生嚴重事故，肥媽一臉凝重表示：「真係唔識講，大家都要小心囉。」肥媽又說：「責任一定有人負㗎啦，因為我哋做親紅館演唱會呢，都一定會買保險㗎，同埋都好多人追究㗎啦，特首都出嚟講。」肥媽呼籲眾人集氣為阿Mo祈禱，連講11次「要冇事」，又指沒有留下後遺症最緊要。