寇鴻萍還押一星期成功保釋外出 老公梁廷鏘：佢未曾試過咁淒涼

前港姐季軍寇鴻萍就逃稅案被法院定罪還押至今日（22/7）判刑，但因法庭誤將原定7月29日判刑日子安排在今天審判，讓辯方大律師成功為被告人申請保釋外出。寇鴻萍老公梁廷鏘在庭外受訪時表示：「好開心佢可以保釋出嚟，因為佢未曾試過咁淒涼。（女兒冇嚟？）今日唔使嚟啦。（女兒在家佈置迎接？）哈哈！唔知道。（下星期會再判刑，會否擔心？）到時睇吓點囉。（法庭搞錯日子，令你哋可成功申請保釋外出！）哈哈！佢哋係咁講，頭頭佢話講咗22日，後尾自己糾正自己講錯應該係29日，變咗佢都知道我哋唔夠時間攞背景報告，所以接納我哋申請。」