I SWIM︱第九集再派膠　網民嘲拍拖多過游水：而家做緊《I溝》？

ViuTV劇集《I SWIM》雖然雲集靚仔靚女，但因為劇情有不少暴走位、膠位，所以被網民稱為「膠劇」，而今晚（21/7）播出的第九集亦有不少膠位出現，當中包括魏浚笙（Jeffrey）飾演的余浪沖，因為遲起身未能與女友施詠（袁澧林飾）睇日出，加上讀書太叻而被飛，令人睇到呆晒。至於呂爵安（Edan）飾演的李馬榮與Miss翁（吳海昕飾）的感情線亦非常離奇，Edan為幫助吳海昕取回藝術作品原稿而雙雙潛入Tom（梁嘉進）的公司，明明與Tom共處同一間房，但竟然沒有被發現，而他們之後到餐廳撐枱腳，卻陰差陽錯地被Jeffrey撞破，網民睇完就話覺得不太合理，有人更在直播聊天室說：「搞師生戀做乜咁光明正大」、「點解唔去人少啲嘅地方」，亦有人話今集游水戲份少得可憐，大部份時間都係聚焦主角的感情生活，「而家係做緊《I SWIM》定係《I溝》？」

點擊下圖觀看本集精選畫面：