童時愛上你｜修哥戲份重網民讚寶刀未老：劇組對我好,車出車入

胡楓和高海寧今日（6/7）現身將軍澳電視城出席無綫劇集《童時愛上你》宣傳活動。提到二人在劇中成功合演出一幕感動人心的父女情，尤其修哥向高Ling 娓娓道來說出喪妻之痛時，真摯說出「好好哋照顧你先算，我咁先對得住你媽媽。」這一場父女談心戲，修哥雖然沒有浮誇的演技，但真摯感人的內心戲，竟讓不少觀眾留言表示「邊睇邊喊」。

修哥表示：「好開心啲網民咁讚我，但其實係所有人嘅功勞。（今次戲份咁重，拍外景時會否感到吃力？）絕對唔會。曾經有人影過我一張相，話我拍外景時好攰，其實一啲都唔攰。我對於工作係好興奮嘅，不過，當然忽然間合埋眼抖一抖係總會有，點知就俾人影咗嗰張相。其實拍呢套劇，我係感覺得到劇組係特別照顧我，尤其拍外景嘅時候，都會搵車接我，車出車入。（會否夜晚開廠？）有時總會有嘅，不過佢哋都會早放我嘅。」提到養身之道，修哥就透露每日都多做運動，日常都會吃保健產品，養成良好的飲食生活習慣，身體便會健康起來。