無綫與紫荊文化集團簽訂合作協議　曾志偉望發掘流利雙語藝人

無綫電視與紫荊文化集團今日簽訂戰略合作協議，將攜手展開連串大計。無綫電視總經理 (節目內容營運)曾志偉接受訪問時，被問到雙方會有什麼合作計劃，他說：「主要係劇集啦、綜藝、紀錄片同埋有好多大型嘅節目，我諗會喺明年開始，因為啱啱七一、嚟緊又有港姐，去到年底都比較忙，但係我哋中間都會一路討論啲題目，我諗最快合作都要到明年。（有無話頭炮會係咩節目？）劇集同綜藝都喺度傾緊，睇下搞邊樣先啦。」

志偉又表示紫荊最睇重TVB在人才培訓方面的經驗，希望能夠共同發掘一些講雙語藝人，因為所製作的劇集節目不止香港、內地播出，還會在世界播各地播放。志偉又謂都會製作真人騷，也會揀選和招聘新人，以及將演員更深化去讓更多人認識。問到首要條件是否要懂得雙語？志偉表示希望是，亦會於內地培訓演員。問到今日有份出席的藝人是否都備受力捧？他說：「唔係嘅，今日呢啲係休息嘅，能夠動員到嘅嚟到嘅都嚟，嚟唔到嗰啲都係拍緊嘢嘅。」另外，提到姚焯菲父親入稟一事，志偉表示較早前已回應過。