黃夏蕙8月移民現黃大仙祠上「告別香」 劉錫賢：佢怕過到去唔慣
撰文：吳子生
出版：更新：
劉錫賢今日（24/6）陪同黃夏蕙到黃大仙祠嗇色園上「告別香」。劉錫賢表示：「其實當我哋成班好友知道夏蕙姨要移民美國，我哋都好突然同好唔捨得。嚟近8月佢就要走，咁所以就揀咗今日嚟同黃大仙上香告別。其實我哋都有問佢點解要走，佢就話個女要生仔，為咗迎接個外孫，所以選擇同埋老公一齊過去，過咗去就唔再返嚟。不過佢都有講過，怕自己過到去唔慣，同埋話一有時間就會返嚟探我哋。但佢就有講過明年嘅頭炷未必會返到嚟，就趁住今日同黃大仙道別。」