李佳芯修讀情緒治療課程　暫時無劇拍唔怕人氣跌：唯有捉緊機會

李佳芯早前接受訪問時親自開腔回應辭演《靈戲逼人》的女鬼角色原因，直指過去拍劇多年承受巨大壓力，加上長時間日夜顛倒又要捱夜工作，令她精神過度疲累，引致身體出現警號。今日（21/6）李佳芯(Ali)現身將軍澳電視城出席無綫節目《好聲好戲》錄影時，被問及現時健康狀況？Ali表示：「其實而家嘅身體狀況就冇乜嘢，但我想平衡返健康同工作，因為呢樣先係緊要。因為之前試過出事，原來係好傷，咁所以我唔想再俾呢樣嘢繼續落去。」

另外，Ali亦透露最近修讀情緒治療課程：「其實我發覺香港有好多人都有情緒病，10人中有10半都有情緒病，而我哋做呢行情緒都起伏得大，如果我能夠繼續讀落去，鑽研得多啲嘅話，我都希望有一日都可以幫到身邊嘅人，呢個都係我一個目標。（暫時手頭上有冇劇拍？）暫時冇呢一刻未有。（怕唔怕人氣跌？）其實我又冇計算到呢方面嘅嘢，咁的而且確係會輸蝕，始終做藝人梗係希望想不斷有作品，但我嚟講演員係被動。因為每樣工作係人哋話，人哋話你有就有，健哋話你冇就冇。咁所以我有工作嘅時候，唯有捉緊機會。」