高海寧越南行低胸出席派對　同美女廚神Hilda鬥性感齊遮胸

高海寧近年主攻內地市場忙到馬不停蹄，近日飛到泰國享受度假時光，每日都過住吃喝玩樂的日子。昨日（15日）她在Instagram限時動態透露現時身在越南歎世界，又孖住美女廚神Hilda（陳曉樺）齊齊性感出席派對。

高Ling在泰國度假時已經跟實Hilda周圍食好嘢，去到越南亦以孖公仔姿態黐到實。兩人上載IG限時動態時表示再度同房，高Ling更被踢爆最近開始腰骨痛：「呢幾日日日都好忙，我今朝直頭係唔到身，都係Hilda叫醒我！可能下次要請個人嚟搬行李先得！」

兩人又一同以性感低胸白色晚裝現身派對上，當然亦不忘自拍一番，但由於高Ling的身材實在太出眾，她一望到高炒影出來的畫面時馬上將手遮擋胸前，又表示：「低炒好啲安全啲！」雖然已經極力避免望落過份性感，但她與其他朋友合照時不禁微微傾下身，意外地大展姣好身材，令網民大飽眼福。