《有樓萬事足》編導岑應嫁消防英雄 冇樓都嫁得：一齊儲錢！
撰文：林通賢
出版：更新：
製作過《有樓萬事足》、《盛女愛作戰》和《沒有起跑線》等爭議性的節目編導岑應，原來已排期結婚了，老公更是淘大工業村迷你倉四級火災的救火英雄蔡明曦，上年10月更在禮賓府接受《行政長官公共服務獎狀》，岑應接受《香港01》訪問，大讚老公是男神，她說:「我哋拍咗4年拖啦，喺我拍完《盛女愛作戰》後，朋友party識，我當時仲係剩女，佢係前年朋友party度求婚，(佢有份參與迷你倉四級火警?)係呀，佢有份救場火，我哋就唔會擺酒喇，但會屋企人食餐飯囉。」
聽到嫁給消防員，相信所有女仔都會羡慕，但岑應老公更誇張，因為消防英雄原來喜歡做家務，她說:「佢係我男神呀, 好英偉㗎，(8舊腹肌?)佢以前有8舊㗎，家陣就冇喇，6神合一喇，但我好欣賞佢，消防工作其實好辛苦，佢係一個黐家，住家好男人，會做家務嘅人…」絲打是不是很妒忌呢?
岑應除了製作的節目充滿話題性，其實本身亦是一個話題，難得她的消防員老公就好明白，岑應說:「佢有睇過我啲節目嘅，佢就覺得冇咩特別，(會唔會覺得妳港女？)佢no comment， 但我一定自知係正宗港女。」早前「有樓有高潮」成為本地金句，岑應就表示丈夫暫未有物業，但不介意和老公一齊儲錢，岑應笑說：「未有嗰種高潮，大家一齊努力儲緊錢買樓，生小朋友我就隨緣啦。」真係恭喜晒！