李佳芯受壓男友要降呢：只係發展中嘅朋友

李佳芯今日出席香港影視博覽的TVB 50周年獻禮，她有份參與50周年台慶劇《誇世代》，與視后田蕊妮同劇。講到有份做台慶劇，被捧做視后的機會激增，李佳芯就話排下隊先。

拎到視后與否，現在言之尚早。要關注李佳芯，就要關心一下今日有報道指李佳芯雖然受公司施壓，要將拍拖多年的ViuTV主持男友陳炳銓降呢成「發展中的朋友」，不過兩人總會出外見面「拍拖」，只是今次被傳媒撞到正，見到李佳芯當街向男方發脾氣，疑似怪責對方唔夠上進。李佳芯事後聽到報道即說：「要鬧交都唔會當街啦，不過真係冇事。（話你對住佢黑面喎。）其實我成日都畀人話我唔笑就好似黑面，之前都被傳媒見到我冇表情，即刻寫我黑面，但其實我係冇嘢，睇嚟我要笑住行街。」

問到現在與陳炳銓的關係，她仍是一如既往表示：「只係發展中嘅朋友，所以冇報道所指因為佢啲乜而發脾氣。（但你哋好似經常都見面喎。）我都唔知點解每次出去都會被人影到，可能我經常出入將軍澳嘅商場啩，不過大家其實都冇固定去見面，都係得閒出嚟見下，都仲係好朋友。」李佳芯將陳炳銓降呢降到冇得再降。