東張西望｜梁敏巧採訪老鼠屋疑遇靈異事件　親述過程極恐怖

《東張西望》女主持梁敏巧 (Maggie) 昨日於IG分享了她日前遇到的一件恐怖經歷。Maggie寫道：「話說喺生日前夕（23日）去觀塘某屋邨拍嘢，晚上8點左右，我同Writer（撰稿員）同攝影師喺後樓梯做電話訪問，我係面對走廊，喺走廊我就見到一對母女企喺到望住我哋工作，同埋一個男人不斷行嚟行去望住我哋。直至我哋做完，母女就同Writer傾計（偈），男人已經唔見人，但我都不以為意，純粹覺得佢哋好奇。」

她續說：「結果噚日攝影師Text（傳短訊給）我，問我有冇見到有兩個細路一男一女加一個媽媽？我話淨係見到一個中年男人同母女，而Writer就話只係見到母女，男人、男仔都見唔到！救命……係咪唔同磁場見嘅嘢都唔同？有冇人可以解答我？可以肯定嘅係，我一定見唔到男性細路，因為我成程都面對走廊，望到晒，亦都可以肯定嘅係，攝影師視線係絕對望到『男人』，唔會係唔同Timing唔同人物出現？」她還post了她跟工作人員的Whatsapp對話，竟然發現雙方的口供以及所見到的環境都不一樣，相當詭異。