江華舊片翻HIT爆當年過檔TVB原因　亞視當男主角也沒有知名度

現年60歲的江華入行40年，他1985年進入了第四屆亞洲電視第4期藝員訓練班而出道，江華的同學有黎明和張敏。近日ATV的社交網站中，發布了一條十年前，由甘國亮做主持的清談節目，那時候請了江華做嘉賓。江華在節目中，原本訓練班是讀一年，豈料半年不到，ATV重用他，更成為劇集《少年英雄》的男主角。江華笑言初出道時候，是艷福無邊，因為對手不是亞洲小姐就是香港小姐。

由ATV轉戰TVB，江華自爆是一個心願：「因為嗰時年代，隔離（TVB）畀人感覺無論知名度同發展都比較闊。我記得嗰陣時喺ATV拍戲我已經做主角，喺街拍戲好少，啲人一見到拍戲就會去睇攝錄機，一過去睇就講『邊個嚟』，然後，再講『亞洲電視㗎』，咁有乜辦法，叫你過去你過唔過？」

曾經歷過連路人也講不出他名字的江華，想分享一些事，「唔好睇得自己太重要，又唔好以為自己好巴閉，又唔好以為自己一定有人識你，去到好多地方自己要重頭嚟過，最緊要自己記住一定要有信心，冇人識你唔緊要，重新開始過。」

點擊睇其他江華靚相！