【與諜同謀】綠葉王李成昌愛妻24年　奸王原來係暖男：要好愛對方

無綫劇《與諜同謀》，率先跑出的不是回巢救亡的羅嘉良，亦不是年輕一輩的鄭俊弘、李佳芯，而是跟羅嘉良由朝鬥到晚，飾演土豪錢永棠的李成昌，演慣大反派，有人鬧才算是成功，但對李成昌來說，每日留意他演出的太太，才是他演戲生涯上的指標，太太的一褒一貶，儼如可定演員生死的監製。

李成昌經常演奸險小人，獐頭鼠目，越是衰格無恥，不但讓觀眾看得投入，更是一個成功奸角的必備要素。但最令人意想不到的是真正的李成昌，比起劇中角色有着截然不同的一面，他跟任職銀行的太太，於1986年拍拖，至1993年拉埋天窗，數數手指已經是24個年頭，李成昌接受《香港01》記者訪問，笑言自己是道道地地的住家男人，「其實要維繫婚姻，最緊要係鍾意對方啦，唔好普通鍾意喎，係要好愛對方嗰隻，唔愛結婚嚟把鬼咩？(或者太太愛你更多呢？)雙方面啦。」聽落雖然有點肉麻，但當中滲出的真心情意，卻感到他們確是一對恩愛夫妻。

平日演歹角時，李成昌可以相當無賴，甚至到達讓人討厭的程度，但說起太太卻是甜絲絲，展現他暖男的一面，從影多年，太太有否追看他的劇集，或者向他提出建議呢？他笑說：「老實講佢係我指標嚟嘅，佢做寫字樓，佢一返嚟話今日啲同事話你乜喎，咁我就會覺得套劇幾好，即係多人睇呀，若然佢提都唔提，即係套嘢麻麻地，其實無論乜嘢學歷都好，師奶都係鍾意煲劇，一係韓劇，一係我哋嘅港劇。」

李成昌說結婚多年，女兒也已經16歲，但他仍然會不時製造小驚喜，浪漫一番。他說：「咁多年都冇乜㗎啦，間唔中俾啲驚喜咁啦，例如佢平時行街想買嘅嘢，睇完又唔捨得買，我咪買嚟送俾佢囉。自己車都唔捨得轉，但買隻佢鍾意嘅錶，幾多錢就唔好講啦，總之開心啦。唔止物質嘅，其實佢忙過我，有時佢唔記得咗結婚周年、生日嗰啲，我咪呃鬼佢，話要開工呀嗰日，跟住突然出現，然後話今日唔返工啦，陪妳食飯。」李成昌說起自己美麗的謊言，一副自豪的口氣，估計醒目的李太早知丈夫的古惑橋，只是不想拆穿，樂於跟丈夫共度甜蜜的結婚紀念日，羨煞旁人。