曼聯鐵粉孔德賢不滿球隊近期表現 讚成換領隊清瘀血

曼聯鐵粉孔德賢（Danny）昨晚（14/5）現身電視城出席無綫直播球賽節目《英格蘭足總盃決賽2021/2022車路士對利物浦》球迷派對。被問到今晚捧邊隊？Danny表示：「我梗係撐車路士啦，因為曼聯同利物浦係宿敵嚟。但其實講真我兩隊都唔撐嘅，我只不過係撐場啫，都係睇一場好波啫。因為今晚好難得可以同咁多前輩一齊睇波，真係好興奮。」

提到曼聯來季有坦克執教，Danny興奮表示：「其實今次佢哋換領隊，佢哋決心係好大，我睇到佢哋直頭想換血，係想整一個後費格遜時代出嚟。坦克嘅加盟絕對係一件好事，因為陣中好多都係大帝，而且人工又高，咁所以呢次換咗個新領隊就可以順勢清瘀血，因為好多隊員都過晒氣，而且冇晒鬥心，對一啲榜尾下游嘅球隊都輸，咁所以佢哋真係唔好踢算啦。」