Apple姐爆男友麥德羅好難湊　要用藤條調教：佢最曳

劉麗萍（Apple姐）孖住兒子西川健智、連同男友麥德羅今日（5/5）現身尖沙咀舉行《唱愛媽媽Online Music 2022》。Apple姐表示：「今年好開心仔仔返嚟香港陪我過母親節，因為好幾年佢都唔喺香港陪我。而佢一陣間會唱歌俾我，真係個心都甜晒。」而仔仔健智就話：「幾年冇因為工作問題冇時間返嚟香港陪媽媽過母親節，都覺得有啲內疚，不過唔緊要一陣我會送返晒歌俾佢，答謝佢。」

而麥德羅就話：「今日防疫措施開始放寬，又可以8人座位食飯，又可以除口罩唱歌做運動，諗起都好開心。」Apple姐笑指最難湊是麥德羅：「雖然本身我有三個仔女，但佢就最曳，對付佢要用藤條。」而麥德羅鬼馬說：「我受唔少呀！變咗我而家抗打能力好強。哈哈！」